زيارة سمو الامير الدكتور / مشعل بن محمد آل سعود للشيخ عماش عني العويمري

قصيدة الشاعر سليمان ساير الرشيدي بمناسبة زيارة
صاحب السمو الامير الدكتور /مشعل بن محمد بن عبدالعزيز آل سعود
للشيخ/ عماش عني العويمري أمير قرية ابو دويحات

سـيدي مـشعل هـلا فـيك تزتاد وتزين .. عــد مـاتـرمي حـجيج الـعتيق جـمارها
مـرحبا فـيك أنت والوفد والكل أجمعين .. جـيـتك فـرحـه وتـبـقى ويـبـقاء أثـارهـا
جيت عند الشيخ عماش عند الطيبين .. وجــيـتـك بـضـيـافته يـرتـفـع مـقـدارهـا
هـو واخوه سعود يا مير ياخطل اليمين .. لابـتـي تـفـرح لـيـا مــن أحـدكم زارهـا
قــدمـونـي بـالـنـيابه وقـلـنـا حـاضـريـن .. وكــل قــوم تـقدم مـن الـرجال خـيارها
أقـلط أقلط عند عبس الرجال الصاملين .. عـزوتـاً بـالـضيق يـاسـعد مــن يـختارها
عـزوتك وإيـمنك والـخوه اللي ماتشين .. والله أنــه عـيـد جـيـتك وســط ديـارهـا
سيدي مشعل سلايل مغيث الجايعين .. أنت من ساس السمؤه و روس كبارها
أنـت أبـوك مـحمد الـنادر الـحر الفطين .. وجــدك الـلي حـرر الـمملكه وأخـتارها
فـيصلين لاطـعن مـاطعن غـير السمين .. كــل يـمـناً عـن يـمينه أقـصار أشـبارها
أحتزم ثم اللتزم واصلح أمر المسلمين .. وريـحم عـقب المصايب وشرب امرارها
لـين حـتى عهد سلمان هو ومحمدين .. الـعقول الـلي عـن الـحق مـحداً دارها
حـكمهم حكم الشريعه وكيد الحاقدين .. وكـلـنا كـيـد الـحـواقد وقـصف أعـمارها
سـيدي لـيتي خوياً معك طول السنين .. خـوتـك راحــت ضـمـيري وأنــا دوارهــا
طـالبك مـطلوب قـل تم يالدرع الحصين .. فـزعـتـاً يـامـيـر بــكـره تــنـال أثـمـارهـا
شـاعراً يـمدحك وأثق ولا هو مستهين .. يـعشق الـجزلات والـجزله الك اختارها
أصـدق الـجزلات جـنك وطاروقي ثمين .. ولو ماني صادق معك مابحثت أسرارها
عــزةٍ عـنـدي مــن الله وفـيكم وأثـقين .. وقـدمكم قـلت الحقيقه وزحت أستارها
والسلام أختام دمتم عساكم سالمين .. فـي حـماء ربٍ يـغيث الـوطن بـمطارها