ياصف فيها جيش بني رشيد
[poem=font=”,6,,bold,normal” bkcolor=”transparent” bkimage=”http://www.alkfh.com/vb/mwaextraedit2/backgrounds/41.gif” border=”none,4,” type=1 line=0 align=center use=ex num=”0,black””]
أبكـتـب التـاريـخ بـاحـروف وسـطـور=بـابـيـات شــاعــر مـاتـغـيـر لـحـونــه
تاريـخ لأهـل المجـد والفعـل والـشـور=بـنــي رشــيــد ورايــهــم يجـمـعـونـه
ليـا كتسـى وادي مـن الوسـم ممطـور=أحـفــاد عـبــس بطـرشـهـم ينـزلـونـه
بوضـحٍ وملـح دونهـن خيـل وسـبـور=والـلــي يـحــاول كـسـبـهـن يـدبـونــه
وشعـلٍ وحمـر وصفـر تقهـر بمقهـور=وشـقـحٍ عليـهـن وسمـهـم ياسـمـونـه
كفـه علـى أيمـن فخـذ حلقـه ومجـرور=يعـرف بهـا العبسـي وتعـرف ضعونـه
ليا شافها الغـازي توقـف علـى الفـور=بيـن الطمـع والخـوف تكـثـر ضنـونـه
يـدري وراهـا مـوت والمـوت محـذور=وبـاب السلامـة عـبـس مــا يفتحـونـه
الـبـل لـهـا تـاريـخ وأدوار وعـصــور=تاريـخـهـا الـفـريـس مـــا يجـهـلـونـه
مــن دونـهـا طـابـور يفـتـك بـطـابـور=قــبــل الــبــلاد مـلـوكـنـا يـوحــدونــه
واليـوم حنـا بـأمـن وفــراح وســرور=أمـــن الــبــلاد مـلـوكـنـا يـحـرسـونـه
والـلـي عـطـاه الله مــن مــد ميـسـور=يـشــري فحـلـهـا لايـتـغـالـى ثـمـونــه
ولـيـا بــدت حـاجـه فـلاهـو بمعـسـور=يـبـيـع فـــي مـلـيـون بـنــت اللـبـونـه
البـل ذكـرهـا الله وهــو خـيـر مـذكـور=فــي محـكـم التنـزيـل خلـقـه يـصـونـه
سفن الصحاري تصبر شهور وشهور=علـى الظمـا والـجـوع فيـهـا خشـونـه
مـن خلقـت الدنيـا لهـا وصـف مأثـور=أوصـافــهــا وألـوانــهــا يــذكــرونــه
وضحٍ وصـا يفهـن مثـل شعـت النـور=ومـن الـوبـر لــون القـطـن يقطفـونـه
وبعيـرهـن مـزيـون بالـزيـن مـغـمـور=أوضـــح ســنــاد ونـابـيــاتٍ مـتـونــه
وملـحٍ وصايفهـن كـمـا الغـيـم مـأمـور=خـيـل عـلـى حــره وسـاقــت مـزونــه
وبعيرهـن بطـنـه كـمـا قــوس بـاكـور=أمـلـح سـهـا ويــاً كـمـا الكـحـل لـونـه
وشعلٍ كما الصوان الأشعل لهـن طـور=مــن شعـلـة الـصـوان فيـهـن نمـونـه
وبعيـرهـن وصـفـه جنـيـه ومـصـرور=أشعـل ووصـف الجمـر داخـل عيـونـه
وصفرٍ وصف حمسه على غير دافور=حـمـاسـهــا ذربٍ طـــــوالٍ ردونــــــه
وبعيرهـن فـي وجهـه الزيـن منـشـور=أهــــل الـمـزايــن كـلـهــم يـمـدحـونـه
وحمرٍ وشقـح طـوال ذرعـان وظهـور=الـزيــن فـيـهــن والـبـهــا تـاجـدونــه
زجــرة فحلـهـن كـنـهـا دنـــة نـجــور=ومن السطـر تسمـع تضـارس سنونـه
وليا أعترض وصفه كما وصف بابور=لـيـا شـافـه الـوبـال هـيـض شـجـونـه
يـأهـل المـزايـن ياشغامـيـم وصـقــور=بالله عـــلام الـجـيـش مـــا تزايـنـونـه
وأنتـم هـل الطـولات مـا فيكـم قـصـور=واجـبـكــم ارث أجــدادكــم تـكـرمـونـه
ورث الفخر والمجـد وأبليـس مدحـور=الـلـي لـيــا طـــال الـمــدى تمتـطـونـه
عبدالعـزيـز الفيصـلـي ركــب بالـكـور=والهجـن سجـه لـيـن يبـسـت شنـونـه
يـواصـل الـغــاره بـغــاره ومـنـصـور=فوق النضاء والحـرب ترقـص جنونـه
ويـوم القبـايـل بـيـن نـاحـر ومنـحـور=والجـيـش بأصـلـه والـعـدد يحفظـونـه
شعب الجزيـره يحفـظ الجيـش بفخـور=وعلـى الأصايـل وصلـوا اللـي يبـونـه
وبعيـرنـا ريـمـان بـالأصــل مـشـهـور=الـبــاديــه والـحــاضــره يـعـرفــونــه
يلـحـق كـراديــس السـبـايـا بـلاجــور=وليـا أنتحـى أهــل الخـيـل مايلحقـونـه
وخلـف لنـا ريـمـات كاصـيـد مـذعـور=بـنــات أصـيــلٍ بـالـمـهـر يـمـهـرونـه
راعـيـه شغـمـومٍ مـحـنـك ومـسـطـور=كـم شيـخ قــومٍ واجــه الـمـوت دونــه
قبـل الصـبـاح وقـبـل مالبـنـدق تـثـور=خــوفٍ علـيـه مــن الـرمـي يبعـدونـه
مخـصـص لــه فــارسٍ ذرب مـمـرور=فـريـدسـيــاً بـنــدقــه مـــــا تـخــونــه
وليا أعترض صابور في وجه صابور=فـرادســه يــــوم الـلـقــى يحـتـمـونـه
وريمـان رقـم أثنيـن بالأصـل مخـبـور=بـريـمــان الأول بـالـعــدد يـركـزونــه
أبعـيـر أبــو سـتـه ومـدهـالـه الـقــور=أصيـل وأصـل الجـيـش لــه ينسبـونـه
ينـزل مــن الإكلـيـل لفـيـاض عثـمـور=والـراس الابيـض مرتعـه فـي ركـونـه
مـن طيـب ساسـه دونـه الــدم منـثـور=عـــوامـــره بـسـيـوفـهــم يـمـنــونــه
ريمـان لـبـن غنـيـم مــا فـيـه منـكـور=بـريـمــان الأول بـالــعــدد يـثـبـتـونـه
أصيـل وكـواعـه بعـيـده عــن الــزور=مــا تلحـقـه بـالـجـري كـــل امعـنـونـه
الـفـضـل لله ثـــم راعــيــه مـشـكــور=قـال الجمـل عــن عـبـس لا تمنعـونـه
وخـلال عـقـد أنـتـاج ريـمـان مكـثـور=ريمـان أبــن ريـمـان وصـفـه ولـونـه
أنتـاج حــرٍ بأصـلـه الجـيـش معـمـور=بـنــي رشــيــد بجـيـشـهـم يمـلـكـونـه
كتبت عـن ماضـي وحاضـر ومنضـور=وهـرج الصحيـح النـاس مـا ينكـرونـه
وكــل القبـايـل تمتـلـك مـجـد مـوفــور=طـيـب وشهـامـه والـثـنـاء يكسـبـونـه
ألـهــم قـيــم عـلـيـا وحـنــا لــنــا دور=وذكر الوفاء أهـل المجـد مـا يجحدونـه
وحنـا نـقـول الـحـق مانشـهـد الــزور=واسـبـاع نـجـد الـنـور مــا يكتـمـونـه
وختامهـا صـلـو عـلـى خـيـر مـبـرور=أبـــن الذبـيـحـيـن الـنـبــي تتـبـعـونـه
[/poem]