سلام يااهل الكرم واهل المواجيبي=اللابه الي تزبن من تنصاها
افعولهم وافيه عند الاجانيبي=افعولهم وافيه مااحدن تناساها
فكاكة البل مطوعت الاشانيبي=الاقشر اللي نهار الكون عاداها
شنانيه يوم خضات المشاريبي=زحول قوم تحدى من تحداها
صالو وجالو ولابه شكن وريبي=مع القبايل افعول المجد تزهاها
وفي حفل صالح وسلمان اهل الطيبي =زانت معان القصائد يوم جبناها
انقح الشعر عن كل الشواذيبي=وانسوقها سوقة الحره على ماها
من شاعرا مابدا بالشعر تجريبي=قصايده بالمحافل جاء وغناها
في حفلكم يامكثرت التراحيبي=جبنا القصائد على حروفن وزناها
والقافيه عندنا بالشعر ماتشيبي=انصخر القافيه لين انتبناها
عد الجزاله بنص الشعر مايخيبي=مايخيب لن الهدف واضح بمعناها
والشعر وهبه ولاكلن له ايصيبي=كم شاعرا بالقصائد عد وخطاها
يبا الجزاله ويخطن المقاضيبي=مثل ماقالو يبيها لاكن اعماها
لن المعاني تبي فن وتراتيبي=واحسب حسابك من اولها ليا ادناها
واختامها نذكر اللي يعلم الغيبي=على رسول رسالة ربه اداها
[/poem]
حامد سعود حنيفان العويمري