تبت افكار الـردئ واليديـن الخايبـات
ياهجوس الشعر والليل ياجبال السرات=ياخفوق مارضا في حياة الململه
قلت اسيرها وتارد على عد الروات=يوم شفت الذهوب يم العدود مزرفله
وكان حتا العلم منكور لاونه ثبات=لو يكون العلم واضح يحاول يجهله
ومن دعا في وحدة الصف والواقع شتات=ذاك صف يجمعه وذاك صف يهمله
لو يكون الصف مجروح برماح الغزات=اخذته بعض العزاوي امسكلي وازله
مابقى الا يسرج الخيل ويصف الرمات=والحلال يحرمه والحرام يحلله
تبت افكار الردئ واليدين الخايبات=الحسد والكره والكبر مثل الحنظله
ورب من فرض على سيد الخلق الصلات=عز ماينومس مقاديم ربعي محمله
وماعتزيت بطيب يوخذ تحت كم العبات=والمثل يقول مال الحمل غير جمله
ومانسوم المجد والعز في نبح وشمات=ولا رجينا ثمرة الجود في غرس إيثله
ولا نبي نرجع على قولة اللي فات مات=ولا قبلنا بالنصائح لجتنا مزهمله
والحياة اسرار والعمر يقفاه الممات=وكل مخلوقٍ اليامات يجزئ بعمله
الشاعر: مسند العويمري