جديد الشاعر المبدع سعد بن عايض في حفل الشيخ
سعود بن عواد بمناسبة زفاف ابنه “مشعل”
سلام ياحفل دعاء الربع راعيه=ودعا جميع الناس ماهي غرابه
دعاني ابوتركي الله يعافيه=سعود ابن عواد نعم القرابه
سعود ابن عواد يا جاهل فيه=اعطيك عن قرم الرجال اﻻجابه
شيخ ولد شيخ بعيده هقاويه=قمة جبل صعبن على من رقابه
يلزمك قول ونعم ﻻحل طاريه=والنعم صعبن وابن عواد جابه
اليا نخيته ماعتذر عن بناخيه=واليا نصاه الضيف ماصك بابه
وانا مهو الحين مبطي مخويه=اعرف ابو تركي وقدر جنابه
لو امدحه مليون ماني بموفيه=يستاهل اكثر جملت (ن) في حسابه
ﻻنه من رجال يليق المدح فيه=اليا قالوا ابن احليس كلن يهابه
قالوا حضيض اوا قلت حضه امباريه=وعن الشجاعه قلت مثل الذيابه
ربعن لهم تاريخ حاضر وماضيه=عوامره درب الخطر ماتهابه
قالوا هل الحرة وقلت ايه ثم ايه=الراس اﻻبيض ماله اسم مشابه
عسى الوسم في كل عام يساقيه=ثلاثة اشهر ما تطوفه سحابه
وان بارك لمشعل عسى الله يهنيه =الله يبارك له ويسعد شبابه
[/poem]