ياحمود وين الي من العام ياحمود=الي لو ابطت جيتي يحتريني
ماشوفله ياحمود بالمنطقه رود=مدري رحل والا كلته السنيني
عليه من طرق الهوى ماعلى العود=وانا عليه معاود القريتيني
غير التمني والعنى ماكسب فود=الا مشاهد نجمة الفرغديني
الله لايجزاء هوى بارد النود=الي على بعض الامور تحديني
تمضيبنا الايام والاجل محدود=واخير من دنيا الشقا ركعتيني
ثلث الاخير ومعضم العالم رقود=عساه يغفر ذنب قلبي وعيني
مذنب ومذهب والمواقف لها شهود=شيئاً يبين وشي صعباً يبيني
يامن ذكرلي بكرتي ياهل الذود=الي على رقبة امها ردعتيني
وسم اخو هدبا كاسب الطيب والجود=معطي بنات مهجرسات الحنيني
وضحى غفل وعيونها رموشها سود=هدية الطيب على الطيبيني
سمراء الذويبي والدميثه لها حدود=مدهال ذود الصلف قبل سنتيني
واليوم عنها شد والعلم ماكود=شال وقطع مع خشم وسمه يميني
عقب العسوس الي عسا مالهم رود= شلو وسيج سويلم الذاهبيني